د ننګرهار په لالپورې ولسوالۍ کې د والیبال سیالیو په دوام درې لوبې ترسره شوې
د ننګرهار په لالپورې ولسوالۍ کې د والیبال دا سیالۍ چې د یاد ولایت د بدني روزنې او ورزش ریاست په ملاتړ د والیبال فدراسیون له خوا د «۳۲» لوبډلو ترمنځ پیل شوي تیره ورځ درې سیالۍ ترسره شوې.
د یاد لیګ د تیرې ورځې لومړۍ سیالۍ د «بټي کوټ زاهد او کوټ تاج ملوک» لوبډلو ترمنځ وه چې
زاهد لوبډلې د نه حاضرېدو له امله د کوټ لوبډلې په بریا اعلان شوه.
دویمه سیالۍ د «لالپورې ګرداوې الف او بټي کوټ نواقل» لوبډلو ترمنځ وه چې یاده سیالۍ هم د نواقل لوبډلې د نه حاضرېدو له امله د لالپورې ګرداوي لوبډلې په ګټه اعلان شوه.
او دریمه سیالۍ چې د «کوټ تاج ملوک او لالپورې ګرداوې الف» والیبال لوبډلو ترمنځ پیل شوې وه، د باران د اورښت له امله بې پایلې سرته ورسېده او بلې ورځې ته وځنډېده.
یادې سیالۍ د ځوانانو سالمې روزنې، یووالي او لېرې پرتو سیمو ته د ورزش رسولو په موخه د لالپورې ولسوالۍ په چکنور سیمه کې پیل شوي چې څو اوونۍ به دوام وکړي.
