د افغانستان ١٩کلنو فوټبال ملي لوبډلې تاجکستان ته سفر وکړ
د مرکزي اسيا زون اتلولي سيالو کې د ګډون په موخه د افغانستان ١٩کلنو فوټبال ملي لوبډلې نن سه شنبه د زمري په ١١ نېټه تاجکستان ته سفر وکړ.
د غه سيالۍ به د افغانستان، تاجکستان، ازبکستان، قرغزستان او ايران ورزشکارانو په ګډون د اګست له ٥ څخه تر ١٢نېټې د تاجکستان په کوربتوب د دې هېواد په دوشنبې ښار کې ترسره شي.
د المپیک ملي کمیټې او ورزش ادارې رئیس انجنير نظرمحمد مطمئن د يادې لوبډلې ته د رخصت پر مهال لازمي لارښوونې وکړي.
د يادولو ده چې د افغانستان لوبډله به د قرغزستان، ازبکستان، تاجکستان او ايران لوبډلو سره سيالۍ وکړي.
