فارياب; د فوټبال غوره لیګ سیالیو په دوام کې یوه لوبه ترسره شوه
د فوټبال غوره ليګ سيالۍ چې د چنګاښ په شپږمه په دغه ولايت کې د يوولسو غوره لوبډلو ترمنځ پيل شوې وې، پرون يې يوې لوبې سره دوام وموند.
په دې لوبه کې د سرسبز یاشلر ټیم وکولای شول چې د آرین لوبډلې ته ۲-۱ ماتې ورکړي او د دې لوبې درې بشپړ امتیازونه ترلاسه کړي، د سرسبز یاشلر ټیم ګولونه په ۸مه دقیقه کې شکور الله کوهي او وحیدالله ترک اوغلو په په نهمه دقیقه کې ترسره کړل .
همدارنګه د آرین لوبډلې یوازینی ګول فضل احمد په ۵۴مه دقیقه کې وواهه.
د يادونې وړ ده، چې دغه سيالۍ د فارياب د فوټبال په لوبغالي کې د باتور، استقلال، المار، تمدن، سرسبز ياشلر، تورپاختو، منتخب قيصار، اريا، بیرليک، آرين او پارسا لوبډلو ترمنځ پيل شوې او دوه مياشتې به دوام وکړي.
