د هرات د ورزشي فدراسیونونو نندارتون جوړ شو
د هرات ولايت د ورزشي فدراسيونونو نندارتون د هرات په ورزشي جمنازيوم کې د هرات ولايت د بدني روزنې او ورزش د رييس مولوي ګلاب الدين خپلواک، د سيمه ييزو ادارو د مسوولينو او د دغه ولايت د ټولو ورزشي فدراسيونونو د مسوولينو په شتون کې جوړ شو.
مولوي ګلاب الدين خپلواک وايي، هرات ولايت د ورزش لپاره غوره استعدادونه لري او د دې نندارتون موخه د ورزشکارانو هڅونه او د ورزش له لارې د سولې او امنيت پيغام رسول دي.
د یادولو وړ ده چې دا په وروستیو کلونو کې په هرات کې تر ټولو لوی ورزشي نندارتون دی چې په ډاډمنه فضا کې جوړیږي او د هرات ولایت له ۵۴ فدراسیونونو څخه څه باندې ۵۰۰۰ ورزشکارانو په دغه نندارتوم کې ګډون کړی وو.
دغه راز په دغه نندارتون کې د تکواندو فدراسیونونو ITTAF، تکواندو WTF ، ووشو، پارکور، جمناسټیک او کونګفو په ګډون د ورزشي فدراسیونونو د مېلمنو په حضور کې ورزشي نندارې وړاندې کړې.
