په هرات کې د غیږنیونې سیالۍ وشوې
د غیږ نیونې سیالۍ د هرات ولایت د بدني روزنې او ورزش د رئیس مولوي ګلاب الدین خپلواک، مخکښ لوبغاړو ، ملکي او نظامي مسوولینو په ګډون د ګزرګاه د غیږ نیونې په میدان کې د څه باندې دوه زره نندارچیانو په شتون کې ترسره شوې.
په دې سیالیو کې د ۲۱ کلپونو څخه ۱۰۰ لوبغاړو برخه اخیستې وه.
ښاغلي خپلواک د غیږ نیونې د فدراسیون له فعالیتونو څخه د لیدنې پر مهال وویل: د سیمه ییزو لوبو وده او بیا ژوندي کول د ولایت د ورزش ریاست له لومړیتوبونو څخه دي او د بدني روزنې او ورزش ریاست ژمن دی چې د ورزش د متوازنې ودې زمینه برابره کړي.
دیادولو وړ ده چې د سیالۍ په پای کې د غوره لوبغاړو ته جایزې ورکړل شوې.
