غزني؛ امید غزني د فوټبال غوره لیګ اتلولي وګټله.
د غزنی د فوټبال غوره لیګ چې دوه اونۍ وړاندې د ۶ لوبډلو ترمنځ پیل شوی وه په کې د ازادۍ، امید غزني، صداقت، کاروان کوچي، جمعیت منګور، ده یک ولسوالۍ لوبډلو ګډون کړی وه د امید غزني په اتلولې پای ته ورسیدې.
امید غزني د ۴ بریا یوه مساوي د ۱۳ امتیازونو سره د دې سیالیو اتله او د ازادۍ لوبډلې د دغو سیالیو دویم مقام خپل کړ.
د دې پړاو د غوره لوبغاړي لقب مبین شریفي او غوره ګول ساتونکی سمیر احمد فیضي وپیژندل شول.
د دغو سیالیو د ترسره کولو موخه د غوره څېرو پیژندل او ورزش ته د ځوانانو هڅول دي.
د لوبو په پای کې د غزني د ورزش امر حاجي بلال مجاهد او د غزني فوټبال فدراسیون رئیس شمس الدین اعظمي لوبغاړو ته کپ مډالونه او ستاینلیکونه ورکړل.
