د زرغون افغانستان په نوم د کرکټ سیالیو پیل؛ میوند ساتونکو د پامیر لېجېنډز لوبډله په لومړۍ لوبه کې ماته کړه
په خوست ولایت کې د زرغون افغانستان په نوم د کرکټ یو ورځنۍ سیالۍ پیل شوې.
ددې لړۍ په لومړۍ لوبه کې پرون د میوند ساتونکو لوبډلې د پامیر سټرایکرز لوبډلې ته د د ۱۰ منډو په توپیر ماتې ورکړه.
د پامیر لوبډلې د لوبې پچه وګټله او لومړی یې د توپ اچوونې پرېکړه وکړه.
د میوند ساتونکو لوبډلې د خپلو ۸ لوبغاړو په زیان په ټاکل شویو ۵۰ اورونو کې ۲۵۴ منډې جوړې کړې.
د یاد هدف په ځواب کې د پامیر لېجېنډز لوبډلې که څه هم ډېره ښه توپوهنه وکړه، سمیع الله شینواري او شاهدالله کمال نیمه سلیزې جوړې کړې، خو بیا یې هم په وروستیو اورونو کې خپلې وېکټې ژر ژر له لاسه ورکړې او په لسو منډو له ماتې سره مخ شول
د یادونې وړ ده، چې د روانو سیالیو په دویمه لوبه کې به د میوند ساتونکو لوبډله د راتلونکې سه شنبې په ورځ له هندوکش سټرایکرز لوبډلې سره مخ شي.
