خوست رمضان لس اوریز کرکټ لیګ تر نېمه پایلوبې ورسېد.
د امین سیاحتي او توریستي شرکت په مالي ملاتړ جوړ شوی، خوست رمضان لس اوریز کرکټ لیګ تر نیمه پایلوبې راورسېد.
د یاد لیګ په دویم کواټرفاینل کې افضلي کرکټ کلب په شپږو ویکټو د ورغه زلمي کلب له ماتې سره مخ کړ او نیمه پایلوبې ته یې لار پیدا کړه.
افضلي کلب د ورغه زلمیو له لوري ورکړل شوی د ۹۰ منډو هدف په شپږو ویکټو سره د اضغراتل ۴۲ منډو پر مټ ؛د لوبې اتم اوور کې ترلاسه او سیالي یې خپله کړه.
د لوبې غوره لوبغاړی اضغر اتل او زړه راښکونکی لوبغاړی بیا سلیمان قهرمان ونومول شو.
د کوارټرفاینل دویمه لوبه بیا د خوست لاینز او الفت کرکټ کلبونو ترمنځ ترسره شوه.
خوست لاینز په پوره لس اورونو کې د اتو لوبغاړو په سوځېدو سره، د نصیب خان ۳۹ منډو پر مټ ۱۰۴ منډې جوړې کړې.
رحمت الله ځدراڼ درې، محب زرمتي او نواز ځدراڼ بیا دوه دوه لوبغاړي د الفت کرکټ کلب په ګټه وسوځول.
ټاکلی هدف الفت کرکټ کلب د سیالۍ په اووم اوور کې د یوه لوبغاړي په سوځېدو سره، د رحمن الله ځدراڼ ۶۹ ناسوځېدلو منډو پرمټ ترلاسه او پدې سره یې د یاد لیګ نیمه پایلوبې ته لار پیدا کړه.
.د لوبې غوره لوبغاړی رحمن الله ځدراڼ او زړه راښکونکی لوبغاړی بیا نصیب خان ځدراڼ ونومول شو
