په بامیان ولایت کې د والیبال سیالۍ پیل شوې
د باميانو ولايت د واليبال فدراسيون د دغه ولايت د ورزش له امريت سره په همغږۍ ولایتي لوبغالي کې د څلورو لوبډلو بند امير اول، د بند امير دويم، د کهنه ښارګوټي د ځوانانو ټيم او د يکاولنګ د ټيم ترمنځ سيالۍ پيل کړې.
په دې پروګرام کې د ورزش مسوولینو او نورو ولایتي چارواکو برخه اخیستې وه، چې سیالۍ یې له نږدې وکتلې او ورزشکارانو ته یې د بریا هیله وکړه.
د دغو سیالیو په پایله کې د بند امیر دویم ټیم لومړی، د یکاولنګ ولسوالۍ دویم ټیم دویم او د بند امیر اول ټیم درېیم مقام خپل کړ.
د سیالیو په پای کې ګټونکو لوبډلو ته ځانګړي شوي مډالونه ورکړل شول.
