خوست کې د هاکي ورزشکاران وستایل شول
د خوست ولایت ورزشي امریت له لوري د هاکي لوبې هغه ورزشکاران وستایل شول چې کابل کې يې د دې لوبې سیالیو کې لومړی مقام ګټلی و.
د خوست ولایت ورزشي امر عطاءالله ګډوال ورزشکارانو ته د بریا د مبارکۍ تر څنګ زیاته کړه د ویاړ ځای دی جې ورزشکاران په غوره روحيې او ډاډمن چاپیریال کې خپل ورزش ته ادامه ورکوي او خپلو ولایتونو او په ټوله کې د هیواد له پاره ویاړ راوړي.
دغه راز ورزشکارانو هم ژمنه وکړه چې ټول به ګډه او بشپړ توان سره هڅه کوو چې د ورزش غښتلې اداره غښتلې او ورزش خپل اصلي موقف ته ورسوو.
د یادولو ده چې د المپیک ملي کمېټې او ورزش ریاست رهبرۍ په مرکز او ولایتونو کې هېڅ ډول همکاري نه ده سپمولې او په پام کې لري چې ورزشکارانو ته ډاډمن چاپیریال او اړينې اسانتیاوې برابرې کړي.
