خوست: په موسی خېلو کې کې هم د ولسوالۍ په کچه ټورنامینټ پیل شو.
د خوست ولایت کرکټ پرمختیایي ادارې مشرتابه او غړو ددې ولایت په موسی خېلو ولسوالۍ کې د کرکټ لوبو پرانېسته وکړه.
د پرانېستې په یادو مراسمو کې د خوست کرکټ ادارې مشرتابه او غړو ترڅنګ د موسی خېلو ولسوالۍ مشرانو، ځوانانو او د کرکټ لوبغاړو برخه درلوده.
د خوست کرکټ ادارې پرمختیایي مدیر احسان ولي مسرور د موسی خېلو ولسوالۍ له درنو مشرانو مننه وکړه، چې د کرکټ په وده او پراختیا کې خپل رغنده رول ادا کوي او پدې برخه کې د ولایتي کرکټ ادارې سره همکارۍ ته ژمن دي.
ښاغلي مسرور د یادې ولسوالۍ کرکټ لوبغاړو ته د لازمې همکارۍ ډاډ هم ورکړ.
په ورته وخت کې د موسی خېلو ولسوالۍ ځوانانو له لوري د خوست کرکټ ادارې مشرتابه او غړي؛ پدې ولایت کې؛ کرکټ ته د غوره چوپړ پر اساس په معنوي ډالیو (ستاینلیکونو) ونازول شول.
د موسی خېلو ولسوالۍ په سطحه یاد پیل شوي ټورنامینټ کې، ټولې اته لوبډلې شتون لري، چې نېږدې سل لوبغاړي پکې د لوبېدو په موخه راټول شويدي.
