د المپیک ملي کمېټې او ورزش ریاست کې د بودجې د وېش په اړه غونډه وشوه
د المپیک ملي کمېټې او ورزش ریاست کې تېره ورځ د المپیکي او ناالمپیکي فدراسیونو تر منځ د بودیجې په وېش غونډه او بحث وشو.
په یاده غونډه کې د المپیک ملي کمېټې او ورزش رییس نظرمحمد مطمئن، د المپیک ملي کمېټې مرستیالانو، سلاکار بورډ او د بدني روزنې رهبرۍ برخه اخیستې وه.
په دغه غونډه کې کې د حکومت لخوا په ورکړل شوې بودیجه بحث وشو، چې څه ډول د المپیکي او ناالمپیکي فدراسیونو تر منځ ووېشل شي.
په یاده غونډه کې د المپیکي او ناالمپیکي فدراسیونو تر منځ د بودیجې په عادلانه او منظم وېش باندې پرېکړه وشوه او یادونه وشوه، چې ورزشي فدراسیونو له خپلو کلنیو جنتریانو سره سم خپلې بودیجې منظمولی او لګولی شي.
د یادونې وړ ده، چې د المپیک ملي کمېټې او ورزش ریاست په تېره غونډه کې د یاد ریاست رییس نظرمحمد مطمئن د فدراسیونو مسوولینو ته ډاډ ورکړی و، چې د حکومت لخوا کافي بودیجه په واک کې ورکړل شوې او موږ باید ترې سالمه ګټه واخلو.
