غزني؛ ګیرو ولسوالۍ کې د ۲۴ لوبډلو ترمنځ د والیبال سیالۍ پای ته ورسېدې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په ګیرو ولسوالۍ کې د ۲۴ لوبډلو ترمنځ د والیبال سیالۍ پای ته ورسېدې، چې یوه نیمه میاشت یې دوام وکړ.
د دغو سیالیو په پایلوبه کې قاري عبید لوبډلې خپلې سیالې نجیب الله لوبډلې ته د ۲/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه د لوبغاړو ترمنځ یووالی رامنځته کول او له نشه یي توکو څخه د ځوانانو لېري والی و، د سیالیو په پای کې غوره لوبډلې او لوبغاړو ته چمتو شوې ډالۍ روکړل شوې.
