غزني؛ مقر ولسوالۍ کې د ۷۵ ورزشکارانو ترمنځ د نینجا سبک ټاکنیزې سیالۍ وشوې
د غزني ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مقر ولسوالۍ کې د ۷۵ ورزشکارانو ترمنځ د نینجا سبک ټاکنیزې سیالۍ وشوې، چې یوه ورځ یې دوام وکړ.
دغه سیالۍ د تنکیو ځوانانو، نویو ځوانانو، ځوانانو او د لویانو ورزشکارانو په عمري کټګوریو کې ترسره شوې، چې په پایله کې ۱۳ تنه د غزني ولایت د نینجا منتخبې لوبډلې ته وټاکل شول.
د یادو سیالیو موخه د غزني ولایت د نینجا منتخبې لوبډلې ته د غوره ورزشکارانو ټاکل و، د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
