د کابل والیبال جام دیارلسم پړاو سیالۍ پیل شوې

org_admin
Fri, Jun 12 2026 2:09 PM
د کابل والیبال جام دیارلسم پړاو سیالۍ پیل شوې

د المپيک، بدني روزنې او ورزش عمومي ریاست په همکارۍ، د واليبال ملي فدراسيون له لوري د ياد رياست په ۲٫۵۰۰ کسيز جمنازيوم کې د نهو لوبډلو ترمنځ د کابل واليبال جام ديارلسم پړاو سيالۍ پيل شوې.

د دغو سیالیو د پرانیستلو په مراسمو کې د المپیک، بدني روزنې او ورزش عمومي رئیس مولوي احمدالله وثیق، د یادې ادارې فني او مسلکي مرستیال حافظ احمدجان ځدراڼ، د کابل ولایت د بدني روزنې او ورزش رئیس مولوي عتیق الله خالد، د ورزش ادارې یو شمېر مسؤلینو او د والیبال ملي فدراسیون استازو گډون کړی وو.

د يادو سياليو د پرانيستې پر مهال د ورزش ادارې عمومي رئيس مولوي احمدالله وثیق وویل: دا ډول ورزشي پروگرامونه د سیالیو ترڅنگ د ورزشکارانو د وړتیاوو لوړولو، د نويو استعدادونو د موندلو او د لوبغاړو ترمنځ د تجربو د تبادلې لپاره ځانگړی ارزښت لري.

ورته مهال د والیبال ملي فدراسیون اداري مرستیال محمد عارف پیمان د ورزش ادارې له رهبرۍ څخه د همکارۍ له امله مننه وکړه او پر لوبډلو یې د سیالیو د اصولو او ورزشي اخلاقو د رعایت ترڅنگ، له لوبڅارانو يې وغوښتل، چې د لوبو په جريان کې بې طرفه قضاوت او عادلانه پرېکړې وکړي.

د سیالیو په پيليزه لوبه کې سرې میاشت کلب لوبډلې خپلې سيالې ستورو کلب لوبډلې ته د ۳-۰ ميدانونو په توپير ماتې ورکړه او بریا یې په خپل نوم کړه.

ټاکل شوې ده، چې دغه سیالۍ به يوه اوونۍ دوام وکړي.

Latest news

Mon, Aug 17 2026 5:49 PM
Background image

The Central Zone Water Polo Selection Competitions

The Central Zone Water Polo Selection Competitions, with the participation of 60 athletes from six provinces of the country, were launched in Kabul by the National Aquatics Sports. . .

Sun, Aug 16 2026 2:58 PM
Background image

in honor of the 24th of Asad,


At the sports festival organized by the Directorate General of Physical Education and General Sports in honor of the 24th of Asad, Afghanistan's Minister of Defense, Mullah Mohammad. . .

BACK TO NEWS