کابل؛ د قوت الرمي ۶۰ ورزشکارانو ته د قوت الرمي ښوونيز او روزنيز سيمينار پیل شو
د کابل ولایت د بدني روزنې او ورزش ریاست سره په همغږۍ د قوت الرمي ملي فدراسیون له لوري د کابل ولایت د ۱۰ کلبونو څخه ۶۰ ورزشکارانو ته د قوت الرمي شپږم پړاو ښوونيز او روزنيز سمينار د هېواد ورزش ادارې په ۵۰۰ کسيز جمنازيم کې پيل شو.
په دې سمينار کې به د قوت الرمي د تورې لرونکي رتبې ورزشکارانو ته د استاد علي زاده له لوري د قوت الرمي قوانين او مقررات په نظري او عملي ډول تدريس شي.
د ويلو ده، چې ياد سمينار د قوت الرمي راتلونکو سیالیو ته د ورزشکارانو د ښه چمتووالي او د قوت الرمي له قوانينو او مقرراتو سره د بلدتیا په موخه د دې فدراسيون د رييس علي شاه محمدي او نورو ورزشي مسوولینو په شتون کې پيل شو، چې يوه ورځ به دوام وکړي.
