میدان وردګ؛ چک ولسوالۍ کې د ۲۰۰ غشي ویشتونکو ترمنځ د غشي ویشتلو سیالۍ ترسره شوې
د میدان وردګ ولایت د بدني روزنې او ورزش آمریت له لوري د یاد ولایت په چک ولسوالۍ کې له درېیوو کلیو د ۲۰۰ غشي ویشتونکو ترمنځ د غشي ویشتلو سیالۍ ترسره شوې.
د یادو سیالیو په پای کې آدم خېلو کلي د ۱۲۹ نمرو په ترلاسه کولو سره لومړی، دوران خېلو کلي د ۸۹ نمرو په ترلاسه کولو سره دویم او محمد یار خېلو لوبډلې د ۸۸ نمرو په ترلاسه کولو سره درېیم مقام خپل کړ.
دا سیالۍ د غشي ویشتلو دودیزې لوبې ته د ودې ورکولو په موخه ترسره شوې، چې یوه ورځ یې دوام وکړ.
