پکتيکا کې ۱۵۰ تنو ته د فکري روزنې اصلاحي سیمینار پیل شو
د المپیک، بدني روزنې او ورزش عمومي ریاست اړوند د دعوت او ارشاد ریاست له لوري د پکتيکا ولایت د بېلابېلو فدراسیونونو ۱۵۰ ورزشکارانو او مسوولينو ته د فکري روزنې دوه ورځنی اصلاحي سیمینار پیل شو.
ياد سیمینار د المپیک، بدني روزنې او ورزش عمومي ریاست د دعوت او ارشاد مدرس مولوي محمد ابراهيم سعادت له لوري وړاندې کېږي، چی پکې به د دیني ارزښتونو، اسلامي اخلاقو، سالم فکر، ورزشي انضباط او د ورزشکار د فردي او ټولنیز مسؤولیت په اړه ګټور مطالب وړاندې شي.
