افغان نولس کلنو لوبډلې اماراتو ته ماتې ورکړه
نعيم پرهېز
شنبه، مرغومی ۴، ۱۴۰۰
د نولس کلنو اسیا جام یو ورځنیو سیالیو الف ګروپ کې افغانستان عربي متحده اماراتو ته د ۱۴۰منډو په توپبر ماتې ورکړه.
په دې لوبه افغانستان لومړی بېټېنګ وکړ او د نهه لوبغاړو په سوځېدو سره یې سیالې لوبډلې ته د ۱۹۴ منډو هدف وټاکه.
افغان لوبغاړو وکولای شول چې د سیالې لوبډلې ټول لوبغاړي د لوبې په ۱۴ اور کې د ۵۴ منډو په جوړولو سره وسوځوي.
په دې سیالۍ د افغانستان لپاره الله نور ۱۰۰ ناسوځېدلې لوړې منډې جوړې کړې، دغه راز بلال سمیع او خلیل احمد بیا درې درې ویکټې ترلاسه کړې.
د یادونې وړ ده چې دا د اسیا جام یو ورځنیو سیالیو کې د افغانستان دوهمه سیالۍ وه.
