نورستان؛ وایګل ولسوالۍ کې د ۲۴ لوبډلو ترمنځ د ټېپ بال کرېکټ سیالۍ پيل شوې
د نورستان ولایت د بدني روزنې او ورزش امریت اړوند د ټېپ بال کرېکټ ملي فدراسیون د استازولۍ له لوري د یاد ولایت په وایګل ولسوالۍ کې د ۲۴ لوبډلو ترمنځ د ټېپ بال کرېکټ سیالۍ پيل شوې.
د دغو سیالیو په لومړۍ لوبه کې اشدل لوبډلې په ټاکلو ۱۰ اورونو کې د ټولو لوبغاړو په سوځېدو سره سیالې اوچا لوبډلې ته د ۱۲۸ منډو هدف وټاکه په مقابل کې اوچا لوبډلې یاد هدف پوره نه او لوبه یې د ۳۵ منډو په توپير وبایلله.
د یادو سیالیو موخه د ټېپ بال کرېکټ ته وده ورکول او د ځوانانو ترمنځ یووالی رامنځته کول دي، چې یوه اوونۍ به دوام وکړي.
