کندز کې د ۶۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش رياست په همکارۍ او د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د امام صاحب ولسوالۍ په ايسکي سيمه کې د ۶۰ چاپندازانو ترمنځ د وزلوبې سيالۍ وشوې.
د يادو سياليو پايله کې يو اخراوالاق ترسره شو، چې دغه اخراوالاق ذبيح الله عرب پهلوان تر حلالې دایرې ورسوه او د بېلابېلو چمتو شويو ډاليو گټونکي شو.
دا سيالۍ ملي او دودونو لوبو ته د ودې ورکولو او د يادې ولسوالۍ وگړو لپاره د سالمې تفريح برابرولو په موخه ترسره شوې، چې يوه ورځ يې دوام وکړ.
