هرات کې د ۱۰۰ ورزشکارانو ترمنځ د لاس چپه کولو لومړی پړاو سیالۍ وشوې
د هرات ولایت د بدني روزنې او ورزش ریاست په همکارۍ او د پاورلیفټینګ او مردان اهنین ملي فدراسیون د استازولۍ له لوري د یاد ولایت په مرکز کې د افغانستان د ملي دفاع ځواکونو د ملاتړ په نوم د ۱۰۰ ورزشکارانو ترمنځ د لاس چپه کولو لومړی پړاو سیالۍ وشوې، چې یوه ورځ یې دوام وکړ.
دغه سیالۍ د ۵۰، ۵۵، ۶۰ کیلو ګرام څخه تر ازاد وزن پورې او د نویو ځوانانو، ځوانانو، د لویانو ورزشکارانو او ماسټران سبکونو کې ترسره شوې، چې په پایله کې ۵۰ تنو د اتلولۍ او لومړي مقامونه خپل کړل.
د یادو سیالیو موخه د لاس چپه کولو ورزش ته وده ورکول، د ځوانانو هڅول او د غوره استعدادونو موندل و.
