د یما شهید فوټبال لوبډله د کابل فوټبال لیګ سیالیو اتلولي خپله کړه.
د یما شهید فوټبال لوبډله د کابل فوټبال لیګ سیالیو اتلولي خپله کړه.
دغه سيالۍ دوه مياشتې مخکې د ١٤ ټيمونو (یورش بګرامي ، یماشهید، افغان ملی ، صلح ، توحید ، امیدافغان ، شاه کلپ ،
یاران شمال ، پامیر ، امید پنجشیر ، MTN ، ستاره آزادی او متحد چهاردهی په غازي سپورتي لوبغالي کې پیل شوې وې نن د لیندۍ مياشتې په ۹مه د ۴۵ لوبو وروسته د یما شهید لوبډلې په اتلولۍ پای ته ورسېدې.
په پای لوبه کې د یورش بګرامي او یما شهید لوبډلو تر منځ لوبه د ۲/۲ په پایلې سره مساوي شوه.
خو د یما شهید لوبډلې په پنالټي ضرباتو کې وکولای شول د یورش بګرامي لوبډلې ته د ۵-۳ په پایلې سره ماتې ورکړي او د اتلولۍ جام ترلاسه کړي.
د يادونې وړ ده، چې په دغو سياليو کې د یورش بګرامي لوبډلې وکولای شول، چې د سيالۍ د دويم مقام خپله کړي.
د دې لیګ د ترسره کولو موخه د ځوانانو ترمنځ د فوټبال لوبې ته وده ورکول دي.
د سیالیو په پای کې د المپیک ملي کمیټې او ورزش سرپرست انجنیر نظرمحمد مطمین هم ګډون وکړ او د فوټبال فدراسیون له مشرتابه څخه یې د کابل لیګ د پیلولو له امله مننه وکړه او د دغې برخې له مسوولینو یې وغوښتل چې په مرکز او ولایتونه کې خپل پروګرامونه پراخ کړي.
د لوبې په پای کې د بدني روزنې د عمومي ریاست د رهبرۍ له خوا د اتلې لوبډلې، دویمې لوبډلې او غوره لوبغاړو ته کپونه او مډالونه وویشل شول.
