زابل کې د ۶۰ نيزه وهوونکو ترمنځ د نیزه وهنې ټاکنيزې سيالۍ وشوې
د زابل ولايت د بدني روزنې او ورزش آمريت اړوند د وزلوبې، نيزه وهنې او سيمه ييزو لوبو ملي فدراسيون د استازولۍ له لوري او د يونسيف مؤسسې په مالي ملاتړ د ياد ولايت په مرکز قلات ښار کې له پنځو ولسواليو د ۶۰ نيزه وهوونکو ترمنځ د نیزه وهنې ټاکنيزې سيالۍ وشوې.
په دغو سياليو کې له شاجوی، ميزاني، خاک افغان، نوبهار او ارغنداب ولسواليو څخه نيزه وهوونکو گډون کړی وو، چې په پايله کې لس تنه غوره نيزه وهوونکي د زابل ولايت منتخبې لوبډلې ته وټاکل شول.
د يادو سياليو موخه د ياد ولايت د نيزه وهنې منتخبې لوبډلې ته د غوره نيزه وهوونکو موندل وو، چې درې ورځې يې دوام وکړ.
