غزني؛ جاغوري ولسوالۍ کې د ۲۵ لوبډلو ترمنځ د والیبال سیالۍ پيل شوې
د غزني ولایت د بدني روزنې او ورزش امریت اړوند د جاغوري ولسوالۍ ورزشي مدیریت له لوري د یادې ولسوالۍ د ۲۵ ښوونځیو ترمنځ د ( معارف جام ) په نوم د والیبال سیالۍ پيل شوې.
د دغو سیالیو په لومړۍ لوبه کې فیضیه نارینوو لېسې لوبډلې خپلې سیالې بالاسر علودال لوبډلې ته د ۳/۰ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال لوبو ته وده ورکول او د والیبال لوبو ته د زده کوونکو هڅول دي، چې درې اوونۍ به دوام وکړي.
