د المپیک نړیوالې کمېټې (IOC) او د اسیایي المپیک شورا (AOC) ژمنه وکړه چې د افغان لوبغاړو او روزونکو لپاره به د روزنې زمینه برابره کوي.
د المپیک نړیوالې کمېټې (IOC) او د اسیایي المپیک شورا (AOC) ژمنه وکړه چې د افغان لوبغاړو او روزونکو لپاره به د روزنې زمینه برابره کوي.
په همدې تړاو برابره شوې غونډه کې د افغانستان د المپیک ملي کمېټې او ورزش سرپرست انجنیر نظر محمد مطمين او ورسره مل پلاوي د المپیک نړیوالې شورا مرستیال او په قطر کې د اسیایي المپیک شورا مرستیال سره لیدنه ترسره کړه.
همدغه راز په دې کتنه کې د المپيک نړيوال سازمان مسوولينو له افغان المپيک سره د همکاريو پر دوام ټينګار وکړ او ويې ويل چې د افغان ورزشکارانو لپاره به د ورزشي وسايل برابر کړي.
د افغانستان د المپيک ملي کمېټې او روزش سرپرست افغان ورزش په اړه د المپيک نړيوال سازمان او اسيايي المپيک د مسوولينو د دې اقدام هرکلى وکړ او له قطري المپيک څخه يې هم مننه وکړه چې د دغو غونډو لپاره يې زمينه برابره کړې ده.
له بلې خوا د المپیک نړیواله کمېټه په پام کې لري چې یو باصلاحیته استازی افغانستان ته واستوي چې د ورزش وضعیت او د ورزشي برنامو حالت وڅېړي.
د يادونې وړ ده، چې په تېرو درېيو مياشتو کې د هېواد د بېلابېلو ورزشي رشتو ورزشکارانو د افغانستان لپاره د پاکستان او ترکيې له سياليو څخه ښې پايلې ترلاسه کړې دي.
