بغلان کې د ۲۰ لوبډلو ترمنځ د والیبال سیالۍ د اندراب محصلینو لوبډلې په اتلولۍ پای ته ورسېدې
د بغلان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد په ده صلاح ولسوالۍ کې له مرکز او ولسوالیو د ۲۰ لوبډلو ترمنځ د والیبال سیالۍ، چې شپږ ورځې مخکې پیل شوې وې د اندارب محصلینو لوبډلې په اتلولۍ پای ته ورسېدې.
د دغو سیالیو په پایلوبه کې اندارب محصلینو لوبډلې خپلې سیالې جوانان ده صلاح لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول او د ځوانانو هڅول و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
