خوست؛ اسماعيل خېلو مندوزيو ولسوالۍ کې د ۳۰ لوبډلو ترمنځ د والیبال سیالۍ پيل شوې
د خوست ولايت د بدني روزنې او ورزش آمريت اړوند د والیبال فدراسیون د استازولۍ له لوري او د شاپور پټان په مالي ملاتړ د اسماعيل خېلو مندوزيو ولسوالۍ په مالي کلي کې د ۳۰ لوبډلو ترمنځ د "پټان جام" په نوم د واليبال سيالۍ پيل شوې.
د دغو سياليو په لومړۍ لوبه کې حسن زيو هجرت الله لوبډلې خپلې سيالې ذبيح الله لوبډلې ته د ۳۱ پر ۲۷ امتيازونو په توپير ماتې ورکړه او بريا يې په خپل نوم کړه.
د يادونې وړ ده، چې دغه سيالۍ به شاوخوا يوه مياشت دوام وکړي.
