۲۳وړ لوبغاړي د اندونیزیا پر وړاندې د فوټبال ملي لوبډلې تمرینی کمپ او لوبې ته ور وپېژندل شول.
د فوټبال ملي فدراسیون د یوې خبرپاڼې په خپرولو سره د افغانستان د فوټبال د ملي لوبډلې د روزونکي انوش دستګیرزاده په تایید سره د فوټبال د ملي لوبډلې غړي اعلان کړل.
ویس عزیزی، فیصل حمیدی، مصفطی حدید، حسن امین، داوید نجم، اسلام الدین امیری، شریف محمد، نجیم حیدری، مسیح سیغانی، میلاد انتظار، فرشاد نور، فیصل شایسته، نور حسین، اباسین علی خیل، امید پوپلزی، فرید سادات، نعیم رحیمی، مازیار کوهیار، زبیر امیری، مصطفی ځاځي، حسین زمانی، نورالله امیری و آدام نجم د هغو ۲۳ لوبغاړو په ډله کې دي چې په یوه تمریناتي کمپ کې د ګډون لپاره به په راتلونکو دوو ورځو کې د ترکیې آنتالیا ښار ته ولاړ شي.
د فوټبال فدراسیون د معلوماتو له مخې، د افغانستان د فوټبال ملي لوبډله به د نومبر په ۱۶ مه (د فیفا رسمي ورځ) د ترکیې د آنتالیا په ګلوبل سپور آرنا لوبغالي کې د اندونیزیا د فوټبال له ملي لوبډلې سره لوبه وکړي.
د يادونې وړ ده چې عمران حيدري، ذوالفقار نظري، جبار شيرزي او مصطفی ازادزوي به د فزيکي ستونزو له امله په دغه سفر کې له ملي لوبډلې سره نه وي، امرالدين شريفي او حميدالله وکيلي به د ويزې د ستونزو له امله له د ملي لوبډلې ملتیا ونکړي.
