د بدني روزنې او سپورت په عمومي ریاست کې مشورتي بورډ جوړ شو.
د۲۸ ګڼه مورخ ۲۰/۳/۱۴۴۳ فرمان پر بنسټ د بدني روزنې او سپورت د عمومي ریاست او د المپیک ملي کمیټې د عالي مقام په لارښوونه د محمد ګل بابکرخیل په مشرۍ د تخنیکي او مسلکي مشورتي بورډ جوړ شو.د بدني روزنې او سپورت عمومي ریاست. دغه بورډ چې مشري یې د حاجي محمد انور بابکرخېل زوی محمد ګل بابکرخېل کوي د تغذیې او سپورت په برخه کې ماسټري کری ده او د ووشو نړیوال فدراسیون له جنوبي اسیا مرستیال دی.محمد اعظم کوهي د عبدالصمد زوی د یاد بورډ غړى د ورزش په برخه کې د لیسانس او کاري تجربه لري او د وزن پورته کولو د فدراسیون رئیس دی. ښاغلی سید مبشر هاشمي، د سید مظفر شاه هاشمي زوی، د لیسانس سند لري او د کانګفو یو له دی بورد غړیو څخه دی.لعل محمد سیار د ګل محمد زوی د دې بورډ له غړیو څخه دی چې د مدیریت په برخه کې د لیسانس سند لري او همدارنګه د بدني روزنې او سپورت عمومي ریاست د ملکیتونه عمومی مدیر دی.د دغه بورډ بل غړى جان عالم حسني د محمد حسن زوى دى، چې د بدنی روزنې او سپورت په برخه کې لیسانس لري او د ملي اتلولۍ په برخه کې يې دنده ترسره کړى ده.
وحیدالله سیال د عبدالجلیل زوی، د لیسانس سند لري او د کوکیوان کوریا پوهنتون څخه د ماسټر دان 4 محصل دی، د جیټ کان دو نړیوال فدراسیون کې د دان 6 او د جیټ کان دو ملي فدراسیون رییس دی.
د جیټ کان د نړیوال فدراسیون دایمي دی.
ښاغلی غلام فاروق الماس، د غلام حضرت زوی، چی د لیسانس سند لري او اوس مهال د ملي کانګ فو فدراسیون مرستیال او په دې برخه کې یو له مخکښانو څخه دی.په همدې حال کې یاد بورډ د بدني روزنې عمومي ریاست او د المپیک ملي کمیټې مشرتابه پلاوي ته تخنیکي او مسلکي مشوری د چارو د ښه والي په موخه ورکوي.د يادونې وړ ده، چې دا لومړى ځل دى، چې د بدنی عمومي رياست او د المپيک ملي کمېټې په خپل تشکيل کې د ورزشي چارو د ښه والي په موخه دا ډول مشورتي بورډ جوړوي.
