غزني؛ ګيرو ولسوالۍ کې د ۶۰ نېزه وهوونکو ترمنځ د نېزه وهلو سيالۍ ترسره شوې
د غزني ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت د ګيرو ولسوالۍ په مزار سيمه کې د شپږو لوبډلو او ۶۰ نېزه وهوونکو ترمنځ په ۱۵ سيکشنونو کې د نېزه وهلو سيالۍ ترسره شوې.
د دغو سياليو په پایله کې ډ ګيرو ولسوالۍ نېزه وهوونکو د ۵۲ امتيازونو په ترلاسه کولو لومړی، د ده يک ولسوالۍ نېزه وهوونکو د ۴۸ امتيازونو په ترلاسه کولو دويم او د ساګر ډاکتر لوبډلې د ۴۰ امتيازونو په ترلاسه کولو سره بيا درېيم مقام خپل کړ.
د يادو سياليو موخه سيمه ييزو او دوديزو لوبو ته وده ورکول و، چې يوه ورځ يې دوام وکړ.
د سياليو په پای کې غوره نېزه وهوونکو ته کپ، مډالونه او ستاينليکونه ورکړل شول.
