هرات کې د پنځوس ورزشکارانو ترمنځ د پاورلفټنګ دوه دېرشم پړاو سیالۍ ترسره شوې
د هرات ولایت د بدني روزنې او ورزش ریاست اړوند د باورلفټنګ فدراسیون د استازولۍ له لوري د یاد ولایت مرکز کې د ۵۰ ورزشکارانو ترمنځ د باورلفټنګ دوه دېرشم پړاو سیالۍ ترسره شوې.
دغه سيالۍ د نویو ځوانانو، ځوانانو، لويانو او ماسټرانو په عمري کټګوریو کې ترسره شوې، چې په پایله کې یې څلورو تنو اتلولي خپلې کړې.
دا سیالۍ ورزش ته د ځوانانو د هڅولو او په دغې رشته کې د غوره لوبغاړو د موندلو په موخه ترسره شوې چې یوه ورځ یې دوام وکړ او په پای کې ګټونکو لوبغاړو ته بېلابېلې ورزشي ډالۍ ورکړل شوې.
