پکتيکا؛ يوسف خېلو ولسوالۍ کې د اووه لوبډلو ترمنځ د نيزه وهنې سيالۍ وشوې
د پکتیکا ولایت د بدني روزنې او ورزش آمريت اړوند د وزلوبې، نيزه وهنې او سيمه ييزو لوبو فدراسيون د استازولۍ له لوري د ياد ولايت په يوسف خېلو ولسوالۍ کې د اووه لوبډلو ترمنځ ملي او دودیزو لوبو ته د ودې ورکولو په موخه د نيزه وهنې سيالۍ شوې.
د دغو سیالیو په پايله کې خواجه بابا لوبډلې د ۳۰ امتيازونو په ترلاسه کولو سره لومړی او کټواز لوبډلې بيا د ۲۸ امتيازونو سره دويم مقام خپل کړ.
د ويلو وړ ده، چې يادو سياليو يوه ورځ دوام وکړ او په پای کې لومړي مقام گټونکې لوبډلې ته يو سېرلی وکړل شو.
