بلخ ؛ چهاربولک ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال ملي فدراسیون د استازولۍ له لوري د یاد ولایت په چهاربولک ولسوالۍ کې د شپږو لوبډلو ترمنځ د والیبال سیالۍ د وطن دوستان لوبډلې په اتلولۍ پای ته ورسېدې.
د دغو سیالیو په پایلوبه کې وطن دوستان لوبډلې خپلې سیالې رئیس قدرت لوبډلې ته د ۱/۰ ګول په توپیر ماتې ورکړه او اتلولي یې خپله کړه.
د یادو سیالیو موخه د والیبال لوبو ته د ځوانانو هڅول او د لوبغاړو ترمنځ یووالی رامنځته کول و، چې یوه شپه یې دوام وکړ.
