زابل؛ شاجوی ولسوالۍ کې د ٣٠ ورزشکارانو ترمنځ د فول رزم سیالۍ ترسره شوې
د زابل ولایت د بدني روزنې او ورزش آمریت اړوند د فول رزم فدراسیون د استازولۍ له لوري د ياد ولايت په شاجوی ولسوالۍ کې له درېیوو کلبونو د ٣٠ ورزشکارانو ترمنځ د فول رزم سیالۍ ترسره شوې.
په دغو سیالیو کې د عبدالودود، عبدالغفور او نادر خان له کلبونو د نویو ځوانانو، ځوانانو او لویانو په عمري کټګوریو کې ورزشکارانو ګډون کړی و، چې په پایله کې یې د نادرخان کلب ورزشکارانو لومړی، عبدالودود کلب دویم او عبدالغفور کلب بیا درېیم مقام خپل کړ.
دا سیالۍ په زابل کې د فول رزم ورزش ته د ودې ورکولو په موخه ترسره شوې، چې دوې ورځې یې دوام وکړ.
