لغمان؛ الينگار ولسوالۍ کې د ۳۲ لوبډلو ترمنځ د واليبال سيالۍ پای ته ورسېدې
د لغمان ولایت د بدني روزنې او ورزش آمريت اړوند د واليبال فدراسيون د استازولۍ له لوري د الينگار ولسوالۍ په ورنټا کلي کې د ۳۲ لوبډلو ترمنځ له نظام څخه د ملاتړ په موخه د واليبال سيالۍ د ورنټا لوبډلې په اتلولۍ پای ته ورسېدې.
د يادو سياليو په پايلوبه کې ورنټا لوبډلې خپلې سيالې ادهار لوبډلې ته د ۳ پر ۱ ميدانونو په توپير ماتې ورکړه او اتلولي يې په خپل نوم کړه.
د ويلو وړ ده، چې دغو سیالیو درې اوونۍ دوام وکړ او په پای کې لومړي او دويم مقام گټونکو لوبډلو ته کپونه، مډالونه او ستاينليکونه ورکړل شول.
