تخار؛ په مرکز تالقان کې د پنځو ولایتونو د ورزشکارانو ترمنځ د جودو سيالۍ وشوې
د تخار ولايت د بدني روزنې او ورزش امريت اړوند جودو فدراسيون د استازولي له لوري، د همدې ولايت په کوربتوب د سمنګان، بغلان، کندز، بدخشان او تخار ولايتونو د ۱۰۰ ورزشکارانو ترمنځ د ورزش ادارې د رهبري په شتون د جودو سيالۍ وشوې.
دغه سيالۍ چې يوه ورځ يې دوام وکړ، په پايله کې تخار لومړی، بدخشان دويم او سمنګان درېيم مقام کړ.
د يادونې وړ ده چې په پايله کې د ياد ولايت د ورزشي مسولينو له لوري، غوره ورزشکارانو ته کپونه، مډالونه او ستاينليکونه ورکړل شول.
