هلمند؛ ناد علي ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولایت په ناد علي ولسوالۍ کې د لسو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ګل آغا بازار او قدیر افغان لوبډلو ترمنځ ترسره شوه. د لوبې پچه ګل آغا بازار لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ٩٧ منډو هدف وټاکه. قدیر افغان لوبډلې ياد هدف د دوو ویکټو په زيان د لوبې په پنځم اور کې ترلاسه کړ او د اتو ویکټو په توپیر یې لوبه وګټله.
دا سیالۍ ورزش ته د ځوانانو د هڅولو په موخه پیل شوي دي، چې ١٥ ورځې به دوام وکړي.
