لغمان؛ په الينګار ولسوالۍ کې د ۳۶ لوبډلو ترمنځ د ټېپ بال کرېکټ سيالۍ پای ته ورسیدې
د لغمان ولایت د بدني روزنې او ورزش امريت اړوند د ټېپ بال کرېکټ فدراسيون د استازولۍ له لوري د ياد ولايت الينګار ولسوالۍ په منګو ماڼو باغ کلي کې د ۳۶ لوبډلو ترمنځ ټېپ بال کرېکټ سيالۍ، چې ۱۶ ورځې مخکې پيل شوې وې د منګو ماڼو باغ لوبډلې په اتلولۍ پای ته ورسیدې.
د دغو سياليو پايلوبه د ورنټا او منګو ماڼو باغ لوبډلو ترمنځ ترسره شوه، ورنټا لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې د ټولو لوبغاړو په سوځېدو سره مقابلې لوبډلې ته د ۷۰ منډو هدف وټاکه. په ځواب کې د منګو ماڼو باغ لوبډلې ټاکل شوې هدف د لوبې په شپږم اور کې د شپږو لوبغاړو په سوځېدو سره پوره کړ او د څلورو ويکټو په توپير يې لوبه وګټله.
د يادو سياليو موخه د نشه یي توکو څخه د ځوانانو لېرې والی او تفريح برابرول وو،
