ننګرهار؛ مرکز جلال آباد ښار کې د ١٦ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت مرکز جلال آباد ښار کې د ١٦ لوبډلو ترمنځ د ټېپ بال کرېکټ سیالۍ د خير آباد لوبډلې په اتلولي پای ته ورسېدې.
د یادو سیالیو پایلوبه د خير آباد او تنګي لوبډلو ترمنځ ترسره شوه. د لوبې پچه تنګي لوبډلې وګټله او لومړی یې توپوهنه وکړه، چې په ټاکلو شپږو اورونو کې یې د څلور ویکټو په زیان خپلې سیالې لوبډلې ته د ۵۶ منډو هدف وټاکه. خير آباد لوبډلې ټاکلی هدف د څلورو ویکټو په زیان د لوبې په څلورم اور کې ترلاسه کړ او د شپږو ویکټو په توپیر یې د دغو سیالیو اتلولي وګټله.
دا سیالۍ د سیمې د ځوانانو لپاره د سالمې تفرېح برابرولو په موخه ترسره شوې، چې لس ورځې یې دوام وکړ او پای کې اتلې لوبډلې ته یو عراده بایسکل ورکړل شو.
