لوګر؛ برکي برک ولسوالۍ کې د ١٢ لوبډلو ترمنځ د توپ ډنډې سیالۍ پای ته ورسېدې
د لوګر ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د ياد ولايت په برکي برک ولسوالۍ کې د ١٢ لوبډلو ترمنځ د توپ ډنډې سیالۍ د سلیمان خېلو لوبډلې په اتلولي پای ته ورسېدې.
د یادو سیالیو پایلوبه د يارخان سليمان خېلو او جلال خېلو لوبډلو ترمنځ ترسره شوه. يارخان سليمان خېلو لوبډلې په ټاکلو ١٢ اورونو کې خپلې سیالې لوبډلې ته د ١٠٨ منډو هدف وټاکه. جلال خېلو لوبډلې د هدف په تعقیب کې ١٠٢ منډې وکړې او د پنځو منډو په توپیر یې ماتې وخوړه.
دا سیالۍ ملي او دودیزو لوبو ته د ودې ورکولو په موخه ترسره شوې، چې یوه اوونۍ یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
