کابل کې د غرختنې ۵۰ ورزشکارانو ته دوه ورځنی سمینار پیل شو
د المپیک، بدني روزنې او ورزش عمومي ریاست اړوند، د غرختنې فدراسیون له لوري د المپیک ملي کمېټې د غونډو په تالار کې د ۵۰ ورزشکارانو لپاره دوه ورځنی سمینار پیل شو.
په دغه سمینار کې د کابل، هرات، بلخ، کندهار، غزني، بغلان، غور او بامیان ولایتونو ورزشکارانو ګډون کړی، چې ورزشکارانو ته به د غرختنې په فني او حرفوي برخه کې پوهاوی ورکړل شي.
د یاد سمینار موخه د غرختنې راتلونکو ملي انتخابي سیالیو او تمريني کمپ لپاره د ورزشکارانو چمتووالی دی، چې د سلواغې په ۲۳مه به د کابل ولایت، فرزې ولسوالۍ په حسن دره کلي کې ترسره شي.
