د ننګرهار ولایت په جلال باد ورزشي سټډیوم کې د ویلچر باسکټبال نوی میدان جوړ شو
د ننګرهار ولایت جلال اباد ورزشي سټډیوم کې تېره ورځ ( جمعه د سلواغې پینځمه) د ویلچر باسکټبال نوی میدان پرانیسټل شو، دغه میدان د المپیک، تربیت بدني او ورزش عمومي ریاست په همکارۍ او د نووا خیریه موسسې او سره صلیب په مالي مرسته جوړ شو.
د ویلچر باسکټبال نوی میدان د یو میلیون او ۲۹۷ زره افغانیو په لګښت جوړ شوی. چې د ننګرهار ولایت پارا المپیک کمیټې په رهبرۍ به لوبې پکې ترسره کېږي.
د یاد میدان په پرانیست غونډه کې د ورزش ادارې مسولینو او د نووا خیریه موسسې رییس البرټو کایرو ګډون کړی و.
