خوست؛ مرکز لکڼو سیمه کې د ۵۰۰ زره افغانیو په ارزښت د والیبال د یو میدان د جوړولو چارې پیل شوې
د خوست ولایت مرکز اړوند لکڼو سیمه کې د AYSO مؤسسې په مالي ملاتړ د ۵۰۰ زره افغانیو په ارزښت د والیبال د یو میدان د جوړولو چارې پیل شوې.
د یادې مؤسسې د ولایتي مسؤول سیاف الدین فیضي په خبره چې دغه میدان په یو وخت کې د ۷۰۰ ننداره چیانو ظرفیت لري او ټاکل شوې، چې د دغې پروژې رغنیزې چارې به په دوو اوونیو کې بشپړې شي.
دا په داسې حال کې ده، چې یادې مؤسسې له دې مخکې په هم په صبریو، مرکز، موسی خېلو او کنډویو کې د دوه میلیونه افغانیو په ارزښت د فوټبال د میدانونو د جوړولو چار پیل کړي دي، چې په نږدې راتلونکي کې به بشپړې شي.
