تخار؛ په تالقان ښار کې د ۷۰ پهلوانانو ترمنځ د کورش سيالۍ ترسره شوې
د تخار ولايت د بدني روزنې او ورزش امريت اړوند د کورش فدراسيون د استازولۍ له لوري د تالقان ښار په ښاروالۍ چمن کې د ۷۰ پهلوانانو ترمنځ د کورش ازادې سيالۍ ترسره شوې.
دغه سیالۍ، چې ملي او سيمه ييزو لوبو ته د ودې ورکولو او په پرمختگ په موخه چمتو شوې وې، په پايله کې ۲۵ پهلوانانو خپلو سيالانو ته په ماتې ورکولو سره برياوې خپلې کړې.
د يادولو وړ ده، چې دغو سياليو يوه ورځ دوام وکړ او په پای کې غوره پهلوانانو ته چمتو شوې ډالۍ ورکړل شوې.
