خوست کې د ۱۶ لوبډلو ترمنځ د والیبال سیالۍ پیل شوې
د خوست ولایت دبدني روزنې او ورزش آمریت اړوند د والیبال فدراسیون د استازولي له لوري د یاد ولایت مرکز اړوند د لکڼو بدیخېلو سیمه کې د قومي یووالي په نوم د ۱۶ لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د لکڼو منتخبې او علیشېرو ادریس لوبډلو ترمنځ ترسره شوه، چې په پایله کې لوبه د وخت د کمښت له امله ۱ پر ۱ میدان مساوي پای ته ورسېده.
دا سیالۍ د سیمې د قومونو د یووالي په موخه پیل شوي دي، چې اته ورځې به دوام وکړي.
