ننګرهار؛ سره رود ولسوالۍ کې د ۱۶ لوبډلو ترمنځ د والیبال سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په سره رود ولسوالۍ کې د ۱۶ لوبډلو ترمنځ د والیبال سیالۍ د احمدزي کلب لوبډلې په اتلولي پای ته ورسېدې.
د یادو سیالیو پایلوبه د حاجي صاحبانو او احمدزي کلب لوبډلو ترمنځ ترسره شوه، چې په پایله کې یې د احمدزي کلب لوبډلې د ۳ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دا سیالۍ د ځوانانو ترمنځ د یووالي په موخه ترسره شوې، چې ۱۸ ورځې یې دوام وکړ.
