ننګرهار؛ پچیراګام ولسوالۍ کې د شپږو لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرکټ قدراسیون د استازولي له لوري د یاد ولایت په پچیراګام ولسوالۍ کې د شپږو لوبډلو ترمن د ټېپ بال کرېکټ سیالۍ پیل شوې.
د یادو سیالیو لومړۍ لوبه د ظفرزي او عیسی خېل لوبډلو ترمنځ ترسره شوه. د لوبې پچه ظفرزي لوبډلې وګټله او لومړی یې د توپ وهنې پرېکړه وکړه، چې په ټاکلو لسو اورونو کې یې د خپلو څلورو لوبغاړو په له لاسه ورکولو سره خپلې سیالې لوبډلې ته یې د ۱۵۷ منډو هدف وټاکه. عیسی خېل لوبډلې د هدف په تعقیب کې د خپلو ټولو لوبغاړو په له لاسه ورکولو سره ۶۲ منډې وکړې او د ظفرزي لوبډلې د ۹۵ منډو په توپیر د دغو سیالیو لومړۍ لوبه وګټله.
دا سیالۍ د ځوانانو ترمنځ د یووالي په موخه پیل شوي دي، چې ۲۵ ورځې به دوام وکړي.
