ننګرهار؛ کوټ ولسوالۍ کې د ۱۶ لوبډلو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په کوټ ولسوالۍ کې د ۱۶ لوبډلو ترمنځ د والیبال سیالۍ پیل شوې.
د دغو سیالیو لومړۍ لوبه د بېرې او تاج ملوک لوبډلو ترمنځ ترسره شوه، چې په پایله کې یې تاج ملوک لوبډلې د دوه پر صفر میدانونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دا سیالۍ د ورزشکارانو ترمنځ د یووالي د رامنځته کولو په موخه پیل شوي دي، چې ۱۲ ورځې به دوام وکړي.
