سرپل کې د فوټبال سیالۍ د خطیب اباد د هلکانو مکتب لوبډلې په اتلولۍ پای ته ورسېدې
د سرپل ولایت د معارف امریت له لوري د یاد ولایت د ښار ۱۶ مکتبونو ترمنځ د فوټبال سیالۍ، چې څو ورځې مخکې پيل شوې وې د خطیب اباد د هلکانو مکتب لوبډلې په اتلولۍ پای ته ورسېدې.
د دغو سیالیو په پایلوبه کې د خطیب اباد د هلکانو مکتب لوبډلې خپلې سیالې راه دانش مکتب لوبډلې ته د ۳/ ۱ ګولونو په توپير ماتې ورکړه او اتلولي یې خپله کړه.
د یادو سیالیو موخه ورزش ته د زده کوونکو هڅوول و.
د سیالیو په پای کې غوره لوبډلې او غوره لوبغاړو ته چمتو شوې ډالۍ ورکړل شوې.
